by bvjee |
Энэ онд аймгийн
дүнгээр 23 сум 1 тосгоны 127
багийн нутагт 9792 хот айл,
17648 малчин өрхөд 6240.1 мянган толгой мал өвөлжихөөс тэмээ 2.1 мянган, адуу 272.3 мянган, үхэр 515.7 мянган, хонь 3075.6 мянган, ямаа 2374.4 мянган толгой буюу хонин толгойд шилжүүлсэнээр 10223.5
мянган мал өвөлжихөөр зохион байгуулж байна.
Отор:
Архангай, Булган,
Завхан, Төв, Баянхонгор аймгийн
нутагт 6 сумын /Жаргалант, Рашаант, Мөрөн, Цэцэрлэг, Арбулаг, Түнэл
/ 15 өрхийн 10,9 мянган толгой мал үүнээс бод 1,4 мянган
толгой, бог 9,6 мянган толгой мал отроор өвөлжиж байна. Аймаг дотроо отроор 16 сумын 976 өрхийн 299,1 мянган
толгой мал үүнээс бод 75,4 мянга, бог 223,7 мянган толгой мал өвөлжихөөр тус
тус бэлтгэлээ базаагаад байна.
Оны эхэнд аймгаас 229160
тн байгалийн хадлан 366 тн гар тэжээл, 15277 тн давс, хужир шүү бэлтгэх албан
даалгавар өгснөөс малчид, иргэдийн
хүчээр байгалийн хадлан 231495
тн буюу 100 хувьтай, гар тэжээл 256,0 тн буюу 69,9 хувьтай, давс, хужир 12734 тн буюу 83,3
хувьтай хангасан ба 891 тн ногоон тэжээл, 291 тн үйлдвэрийн тэжээл, 6,0 тн дарш
ногооны хаягдал бэлтгэсэн байна.
Засгийн газрын 285 дугаар тогтоолоор аймгийн
аюулгүйн нөөцөнд 380 тн
байгалийн хадлан, 80 тн хүчит
тэжээл бэлтгэх даалгавар өгснөөс 380 тн өвс буюу 100 хувь, 120 тн
үйлдвэрийн тэжээл буюу 100 хувьтай
бэлтгэсэн.
Сумын аюулгүйн
нөөцөд 2400 тн өвс, 720 тн тэжээл бэлтгэх
даалгавар өгснөөс 1615 тн өвс буюу 67,3
хувь, 274 тн тэжээл буюу 38,1 хувьтай бэлтгэсэн байна. Аж ахуйн нэгж малчид
байгалийн хадлан 496,5 тн өвс бэлтгэн
зах зээлд худалдан борлуулахаар бэлтгэсэн.
Инженерийн хийцтэй
худаг 621, энгийн уурхайн худаг 688, усан сан 86 нийт 1905 уст цэг байгаагаас
1874 буюу 98,4 хувьтай худаг, уст цэг ашиглагдаж байна. Энэ онд аймгийн
хэмжээнд Улсын төсвөөс 1 худаг, орон
нутгийн хөрөнгөөр 7 худаг нийт 8 худаг шинээр гарсан байна.
Бод малын хашаа
15908, бог малын хашаа 18570 байгаа нь
малын хашаа хорооны хангамж 100 хувьтай байна. Мал аж ахуйн өвөлжилт,
хаваржилтын бэлтгэлийг 91,3 хувьтай хангасан.
by bvjee |
Улсын Их Хурлын 2017 оны 82 дугаар тогтоолыг хэрэгжүүлэх ажлын хүрээнд НҮБ-ын Хүнс, хөдөө аж ахуйн байгууллага, Хүнс, хөдөө аж ахуйн газар хамтран Малын генетик нөөцийн төлөв байдлыг тодорхойлох, үнэлэх, тайлан гаргах нэг өдрийн сургалтыг 24 сумын Хөдөө аж ахуйн тасгийн мэргэжилтэнгүүдийг хамруулан зохион байгууллаа.
by bvjee |
Хөвсгөл аймаг 2019 оныг “Хүүхэд хамгаалал – Өрхийн хөгжлийг дэмжих жил”болгон зарласантай холбогдуулан манай байгууллагын нийт хамт олноос санаачлан олон хүүхэдтэй, амьдралын боломж муутай, өрх толгойлсон эцэг эхэд дэмжлэг үзүүлэх “Сайн үйлсийн аян”-ыг байгууллага дотроо өрнүүллээ. Уг арга хэмжээний хүрээнд 13 дугаар багийн оршин суугч Х.Нарандэлгэрийн ар гэрт машин түлээ, мах, гурил, будаа зэрэг хоол хүнс, хүүхдийн дулаан хувцас зэрэг 600 гаруй мянган төгрөгийн бараа бүтээгдэхүүний дэмжлэг үзүүллээ.
Уг арга хэмжээг зохион байгуулхад санаачлагатай оролцсон ажилтан албан хаагч нартаа талархал илэрхийлье.
by bvjee |
Орон нутгийн жижиг дунд үйлдвэрлэл эрхлэгчдийг дэмжин зах зээлийг өргөтгөх, харилцан туршлага судлуулах зорилготой зохион байгуулдаг “Хөвсгөл брэнд – 2019, Намрын ногоон өдрүүд” нэгдсэн арга хэмжээ энэ жил 15 дах жилдээ амжилттай зохион байгуулагдлаа. Энэхүү арга хэмжээнд 22 сум 1 тосгоны 246 аж ахуйн нэгж байгууллага, хоршоо, малчдын бүлэг, нөхөрлөл, өрхийн үйлдвэрлэл эрхлэгчид хүнсний бүтээгдэхүүн, сүү цагаан идээ, төмс хүнсний ногоо, оёдол, гар урлал зэрэг 40 гаруй нэр төрлийн бүтээгдхүүнээр иргэддээ үйлчлэн ажил үйлчилгээгээ сурталчилж 96,8 сая төгрөгийн борлуулалт хийсэн байна. Энэ удаагийн үзэсгэлэн худалдаанд аймагт мал аж ахуй, хөдөө аж ахуйн чиглэлээр хэрэгжиж байгаа төсөл хөтөлбөрөөс дэмжлэг авч төслийн үр шимийг хүртсэн нөхөрлөл, хоршоо, малчны бүлэг үйлдвэрлэсэн бүтээгдэхүүнээрээ үзэсгэлэн худалдаанд оролцож төслийн үр дүнг иргэддээ тайлагнасан нь онцлог байлаа. Үзэсгэлэн худалдаанаас “Хөвсгөл Хүнс” ХХК-ийн “Бэлгийн багц” бүтээгдэхүүн аймгийн “Брэнд бүтээгдэхүүн” -ээр шалгарлаа.
by bvjee |
Аймгийн Засаг даргын тамгын газар, Хүнс, Хөдөө аж ахуйн газар, Хөвсгөл нуурын байгалийн цогцолборт газрын орчны бүсийн иргэдийн амьжиргааг дэмжих, тогтвортой аялал жуулчлалыг хөгжүүлэх нэгдсэн төсөл хамртан “Тогтвортой мал аж ахуй эрхлэлт“ аймгийн малчдын зөвлөгөөнийг 6-р сарын 21-ний өдөр зохион байгууллаа.
Зөвлөгөөнд аймгийн Засаг дарга Л.Ганболд, ХБХОТХ-ийн дарга Э.Аззаяа 23 сум 1 тосгоны Засаг дарга, Хөдөө аж ахуйн тасгийн мэргэжилтэн, Газрын даамал, 126 багийн малчдын төлөөлөл нийт 300 гаруй хүн оролцсон.
ХХААХҮЯ-ны Бодлого төлөвлөлтийн газрын ахлах мэргэжилтэн Г.Сувдаа, Малын үржил бүртгэлийн бодлогын хэрэгжилтийг зохицуулах газрын мэргэжилтэн Ц.Түмэнбаяр, МОН-9183 төслийн зөвлөх Доктор Ц.Алтанзул, МОН-9183 төслийн зөвлөх О.Уламбаяр, МОН-9183 төслийн зөвлөх Доктор С.Дүгэрсүрэн нар оролцож мэдээлэл өгсөн.
Зөвлөгөөнд Хүнс, Хөдөө аж ахуйн салбарыг өнөөгийн түвшин, цаашид хэрэгжүүлэх бодлого, Мал үржүүлгийн ажил үйлчилгээ, хээлтүүлэгч малыг мэргэжлийн ажил үйлчилгээний нэгжид шилжүүлэхийн ач холбогдол, Хөвсгөл аймгийн бэлчээрийн төлөв байдал, Малын эрүүл мэндийн асуудал, Малын тэжээл тариалах, дарш бэлтгэх ач холбогдол зэрэг сэдвээр мэдээлэл өгсөн. Зөвлөгөөнөөс 11 заалт бүхий уриалга гаргасан.
